Կորեացիները ստեղծել են համակարգչի անտեսանելի մկնիկ

Բոլոր սովորական կառավարումներն արդեն կարելի է անել մերկ ձեռքով:

Այս վիրտուալ մկնիկը պետքական կլինի ճանապարհ գնալիս, իսկ սովորական օֆիսային աշխատանքի ժամանակ ձեռքի լարվածություն համարյա չի լինի և երկարատև աշխատանքի դեպքում հոգնածություն չի առաջացնի:

evoMouse սարքը արտադրվել է Celluon ընկերության կողմից: Արտաքնապես այն փոքրիկ խաղալիքի է նման: Ունի փոքրիկ շան/կատվի տեսք: Լազերային աչքի փոխարեն evoMouse-ն ունի ինֆրակարմիր սենսորներ, որոնք ֆիքսում են մատների դիրքը սեղանի վրա:

evoMouse-ով հնարավոր է անել աջ/ձախ քլիք, կրկնակի քլիք, էջերը փոխել: Օրինակ եթե ցանկանաք Paint-ով ինչ-որ գրաֆիկական օբյեկտ նկարել, դրա համար միայն բավական կլինի մատով այդ պատկերը սեղանի մակերեսին «նկարելը»:

evoMouse-ը համակարգչին միանալու երկու եղանակ ունի` Bluetooth-ով և USB պորտով: Առաջին եղանակի դեպքում մկնիկի մարտկոցն անհրաժեշտ է լիցքավորել: Լիցքավորված մարտկոցի աշխատանքը տևում է երկու ժամ:

evoMouse-ը համատեղելի է Windows XP/Vista/7 -ի հետ, ինչպես նաև Windows Mobile-ի և Symbian-ի հետ: