Ինչպես և երբ Windows-ը բեռնել անվտանգ ռեժիմով «Safe Mode»

Վիրուսների վարակի կամ օպերացիոն համակարգի անսարքության հետեւանքով ,համակարգիչը դադարում է  բեռնվել: Համակարգչի անընդհատ  վերաբեռնումները, կախումը, ավելին, չարտոնված անջատումները` միշտ էլ տհաճ է, բայց միանգամայն ուղղելի:. Անվտանգ ռեժիմը օգնում է բուժել  Windows-ը  կամ ,ծայրահեղ դեպքում , պահպանել կարևոր տեղեկությունները: Նախ, նշենք  , թե ինչով  է տարբերվում համակարգչի անվտանգ ռեժիմը սովորական ռեժիմից: Հայտնի է, որ օպերացիոն համակարգի հետ միասին  բեռնվում են   բազմաթիվ այլ ծրագրեր, դրայվերներ,, ծառայություններ եւ այլ հավելվածներ, որոնց մեջ վիրուսները  կարող են թաքնվել: Շատ ծրագրեր տեղադրման ընթացքում նախատեսում  են  ինքնաբեռնում,որը կարող է  առաջացնել անսարքություններ  Windows-ում:Հետևապես անվտանգ ռեժիմը դառնում է այն փրկիչ օղակը,որը թույլ է տալիս ոչ միայն բեռնել  համակարգիչը, այլեւ հեռացնել վնասված հավելվածները կամ, նախապես ստեղծված պահեստային օրինակից վերականգնել համակարգը:. Անվտանգ ռեժիմը (անգլերեն «Safe Mode») Windows-ի բեռնման  այն տարբերակն է,երբ գործադրվում են   միայն հիմնական ֆայլերը, Windows-ի  ստանդարտ ծառայությունը և օպերացիոն համակարգը գործարկելու անհրաժեշտ դրայվերները:Մնացածը,հավանական վիրուսներով հանդերձ,մնում են ետևում : Այսպիսով, անվտանգ ռեժիմ թույլ է տալիս ոչ միայն ախտորոշել խնդիրները  եւ ազատվել վնասված ծրագրից, այլեւ հակավիրուսով ստուգել  համակարգիչը և վերացնել վարակված տարրերը:Օպերացիոն համակարգը  անվտանգ ռեժիմով  բեռնելու համար  պետք է  վերաբեռնել համակարգիչը , սկզբից և եթ սեղմել ու պահելով «F8»  ստեղը: Բացվում է Windows-ի բեռնման  հնարավոր տարբերակների ցուցակը:Սլաքով ստեղների միջոցով ընտրվում է Safe Mode և «Enter»:Ախտորոշման և վերականգման գործողություններից հետո ,պետք է սովորական ձևով վերաբեռնել համակարգիչը:

Բաժին ` Օպերացիոն համակարգեր: